Luka 1:26-2:46

Neno: Bibilia Takatifu

Kuzaliwa Kwa Yesu Kwatabiriwa

²⁶ Miezi sita baada ya Elizabeti kupata mimba, Mungu alim tuma malaika Gabrieli aende katika mji wa Nazareti, ulioko Gali laya, ²⁷ kwa msichana bikira aliyeitwa Mariamu. Yeye alikuwa ameposwa na mtu mmoja aliyeitwa Yusufu, wa ukoo wa Mfalme Daudi.

²⁸ Malaika Gabrieli alimtokea Mariamu, akamwambia: “Sal aamu, ewe binti uliyebarikiwa, Bwana yu pamoja nawe!”

²⁹ Mariamu alifadhaishwa sana na maneno haya, akajiuliza moyoni, maana ya salamu hizi ni nini. ³⁰ Ndipo malaika akamwam bia, “Usiogope, Mariamu, Mungu amependezwa nawe. ³¹ Sikiliza, utapata mimba, nawe utazaa mtoto wa kiume; na utamwita jina lake Yesu. ³² Mtoto huyo atakuwa mkuu na ataitwa Mwana wa Aliye Juu. Na Bwana Mungu atampa kiti cha enzi cha Mfalme Daudi, baba yake. ³³ Atatawala juu ya nyumba ya Yakobo daima; na ufalme wake hau takuwa na mwisho!”

³⁴ Mariamu akamwuliza malaika, “Lakini, nitapataje mimba, na mimi ni bikira?” ³⁵ Malaika akamjibu, “Roho Mtakatifu ata kujilia na nguvu za Mungu zitakufunika kama kivuli, na kwa hiyo mtoto atakayezaliwa atakuwa mtakatifu na ataitwa Mwana wa Mungu. ³⁶ Tena, miezi sita iliyopita binamu yako Elizabeti, aliyeitwa tasa, amepata mimba ingawa ni mzee sana. ³⁷ Kwa maana kwa Mungu hakuna lisilo wezekana.”

³⁸ Mariamu akasema, “Mimi ni mtumishi wa Bwana. Na iwe kwangu kama ulivyosema.’ ’ Kisha malaika akaondoka.

Mariamu Aenda Kumtembelea Elizabeti

³⁹ , ⁴⁰ Baada ya siku chache, Mariamu aliharakisha kwenda mji mmoja katika milima ya Yudea. Akaingia nyumbani kwa Zakaria akamsalimu Elizabeti. ⁴¹ Naye aliposikia salaamu za Mariamu, mtoto aliyekuwa tumboni mwake aliruka. Elizabeti akajazwa na Roho Mtakatifu, ⁴² akasema kwa sauti kubwa: “Umebarikiwa wewe zaidi ya wanawake wengine wote, naye mtoto utakayemzaa amebari kiwa. ⁴³ Sikustahili heshima hii ya kutembelewa na mama wa Bwana wangu! ⁴⁴ Mara tu niliposikia salaamu zako, mtoto aliyeko tum boni mwangu aliruka kwa furaha. ⁴⁵ Wewe umebarikiwa kwa kuwa uliamini kwamba Bwana atatimiza yale aliyokuambia.” ⁴⁶ Mariamu akasema: “Namtukuza Bwana, ⁴⁷ na roho yangu inamfurahia Mungu Mwokozi wangu. ⁴⁸ Kwa kuwa ameutambua unyonge wa mtumishi wake. Tangu sasa vizazi vyote wataniita niliyebarikiwa. ⁴⁹ Kwa maana, yeye Mwenye Uwezo, amenitendea mambo ya ajabu! Jina lake ni taka tifu. ⁵⁰ Rehema zake hudumu vizazi hata vizazi kwao wamchao. ⁵¹ Kwa mkono wake ametenda mambo makuu. Wenye kiburi mioyoni mwao amewatawanya. ⁵² Amewaangusha wafalme kutoka katika viti vyao vya enzi na kuwainua wanyonge. ⁵³ Amewashibisha wenye njaa kwa vitu vizuri na matajiri amewafukuza mikono mitupu. ⁵⁴ Amem saidia mtumishi wake Israeli, akiikumbuka rehema yake, ⁵⁵ kama alivyowaahidi baba zetu Ibrahimu na uzao wake daima.” ⁵⁶ Mar iamu akakaa na Elizabeti karibu miezi mitatu, kisha akarudi nyum bani kwake.

Kuzaliwa Kwa Yohana Mbatizaji

⁵⁷ Ikawa siku za kujifungua kwake Elizabeti zilipotimia, alizaa mtoto wa kiume . ⁵⁸ Habari zikawafikia majirani na jamaa jinsi Bwana alivyomfanyia rehema kuu. Nao wakafurahi pamoja naye. ⁵⁹ Mtoto alipokuwa na umri wa siku nane, watu wakaja kuhudhuria tohara yake. Wote wakataka wampe yule mtoto jina la Zakaria, yaani jina la baba yake. ⁶⁰ Lakini mama yake akakataa na kusema, “La si hilo. Jina lake litakuwa Yohana.” ⁶¹ Wakamjibu, “Mbona hakuna mtu katika jamaa yako mwenye jina kama hilo?” ⁶² Basi wakaamua kumwuliza Zakaria kwa ishara kwamba yeye angependa mtoto aitwe nani. ⁶³ Akaomba mahali pa kuandikia, naye akaandika: “Jina lake ni Yohana.” Watu wote wakastaajabu. ⁶⁴ Papo hapo uwezo wa kusema ukamrudia Zakaria naye akaanza kumsifu Mungu. ⁶⁵ Watu wote walioshuhudia jambo hili wakastaajabu mno, na habari hii ikaenea sehemu zote za wilaya ile ya Yudea. ⁶⁶ Na kila aliyezisikia habari hizi aliwaza moyoni: “Je, mtoto huyu atakuwa mtu wa namna gani?” Maana, hakika mkono wa Bwana ulikuwa pamoja naye.

Utabiri Wa Zakaria

⁶⁷ Zakaria, baba yake, akajazwa na Roho Mtakatifu, naye akata biri akisema: ⁶⁸ “Atukuzwe Bwana, Mungu wa Israeli, kwa kuwa amewajia watu wake ili awakomboe. ⁶⁹ Naye ametusimamishia nguvu ya wokovu katika ukoo wa Daudi mtumishi wake; ⁷⁰ kama alivy oahidi kwa vinywa vya manabii wake watakatifu tangu zamani: ⁷¹ kwamba atatuokoa na maadui zetu na kututoa kutoka katika mikono ya wote watuchukiao. ⁷² Aliahidi ataonyesha rehema kwa baba zetu na kukumbuka agano lake takatifu ⁷³ aliloagana na baba yetu Ibrahimu: ⁷⁴ kutuokoa kutoka katika mikono ya adui zetu na kutuwezesha kumtumikia pasipo woga, ⁷⁵ katika utakatifu na haki mbele zake, siku zetu zote. ⁷⁶ Na wewe mwanangu, utaitwa nabii wa Aliye Juu, kwa kuwa utamtangulia Bwana na kumwandalia njia; ⁷⁷ na kuwafahamisha watu wake juu ya wokovu utakaopatikana kwa kusamehewa dhambi zao, ⁷⁸ kwa ajili ya wingi wa rehema za Mungu wetu. Nuru ya jua itatujia kutoka mbinguni na ⁷⁹ kuwaangazia wote waishio katika giza na katika uvuli wa mauti na kuiongoza miguu yetu katika njia ya amani.” ⁸⁰ Yule mtoto akakua na kuko maa kiroho; akaishi nyikani hadi alipoanza kuwahubiria Waisraeli hadharani.

Kuzaliwa Kwa Yesu

2 Siku zile Kaisari Augusto, mtawala wa milki ya Kirumi, aliamuru ya kwamba watu wote wa milki yake waandikishwe. ² Hii ilikuwa ni sensa ya kwanza kufanyika nayo ilitokea wakati Kirenio alipokuwa liwali wa Siria. ³ Watu wote walikwenda katika sehemu walikozaliwa ili waandikishwe huko. ⁴ Yusufu alitoka mji wa Nazareti uliopo Galilaya akaenda mpaka Bethlehemu mji wa Daudi kwa sababu yeye alikuwa wa ukoo wa Daudi. ⁵ Alikwenda huko kujiandikisha pamoja na mchumba wake Mariamu ambaye kwa wakati huu alikuwa mja mzito.

⁶ Walipokuwa Bethlehemu, wakati wa Mariamu kujifungua uli fika, ⁷ naye akamzaa mtoto wa kiume, kifungua mimba. Akamfunika kwa vinguo na kumlaza horini, kwa sababu hapakuwa na nafasi katika nyumba ya wageni.

Wachungaji Wapata Habari

⁸ Usiku ule walikuwako wachungaji wakilinda kondoo zao nje ya mji. ⁹ Ghafla malaika wa Bwana akawatokea, na utukufu wa Mungu ukawang’azia pande zote. Wakajawa na hofu kuu. ¹⁰ Lakini malaika akawatuliza akisema: “Msiogope! Nawaletea habari njema ya furaha kubwa, na habari hii ni kwa faida ya watu wote! ¹¹ Kwa maana leo katika mji wa Bethlehemu, amezaliwa Mwokozi ambaye ndiye Kristo Bwana. ¹² Na hivi ndivyo mtakavyomtambua: mtamkuta mtoto mchanga amefunikwa vinguo na kulazwa horini.”

¹³ Mara jeshi kubwa la malaika wa mbinguni likatokea na pamoja wakamsifu Mungu wakiimba: ¹⁴ “Atukuzwe Mungu juu mbin guni, na duniani iwepo amani kwa watu ambao amependezwa nao.”

¹⁵ Malaika hao waliporudi mbinguni wale wachungaji walish auriana: “Jamani, twendeni Bethlehemu tukaone mambo haya ya ajabu yaliyotokea, ambayo Bwana ametufahamisha.”

¹⁶ Kwa hiyo wakaenda haraka Bethlehemu, wakawakuta Mariamu na Yusufu; na yule mtoto mchanga alikuwa amelala mahali pa kulia ng’ombe. ¹⁷ Walipomwona mtoto, wakawaeleza yale waliyokuwa wameambiwa. ¹⁸ Na wote waliosikia habari hizi wakastaajabia yale waliyoambiwa na wachungaji. ¹⁹ Lakini Mariamu akayaweka mambo haya yote moyoni mwake, akayafikiria mara kwa mara.

²⁰ Wale wachungaji wakarudi, huku wakimtukuza Mungu na kum sifu kwa yale waliyoyasikia na kuyaona.

²¹ Hata baada ya siku nane, ilipotimia siku ya kumtahiri mtoto, aliitwa Yesu; jina alilopewa na malaika kabla hata haja chukuliwa mimba.

Yesu Apelekwa Hekaluni

²² Baada ya kutimia kwa muda wa utakaso wa Yusufu na Mar iamu, kwa mujibu wa sheria ya Musa, walimpeleka mtoto Yerusalemu, wakamtoa kwa Bwana ²³ kama ilivyotakiwa na sheria ya Bwana -“Kila mtoto wa kiume wa kwanza atakabidhiwa kwa Bwana.” ²⁴ Pia walitoa sadaka, kama ilivyotakiwa na sheria ya Bwana: “Hua wawili au makinda ya njiwa wawili.” ²⁵ Na alikuwepo huko Yerusalemu mzee mmoja jina lake Simeoni ambaye alikuwa mwenye haki na mcha Mungu. Siku zote alikuwa akitarajia ukombozi wa Israeli na Roho Mtakatifu alikuwa juu yake. ²⁶ Pia Roho Mtaka tifu alikuwa amemhakikishia kuwa hangekufa kabla ya kumwona Kristo wa Bwana. ²⁷ Kwa hiyo, akiwa ameongozwa na Roho Mtaka tifu, Simeoni alikwenda Hekaluni. Wazazi walipomleta mtoto Yesu ili wamfanyie kama ilivyokuwa desturi ya sheria, ²⁸ Simeoni alimpokea mtoto mikononi mwake akamshukuru Mungu akisema: ²⁹ “Sasa Bwana, niruhusu mimi mtumishi wako niende kwa amani kama ulivyoniahidi, ³⁰ kwa sababu macho yangu yameuona wokovu ³¹ ulioandaa mbele ya watu wote, ³² nuru itakayowaangazia watu wa mataifa na kuleta utukufu kwa watu wako Israeli.” ³³ Wazazi wa mtoto walistaajabu kwa yale yaliyokuwa yakisemwa kumhusu mtoto wao. ³⁴ Simeoni akawabariki. Kisha akamwambia Mariamu, mama yake, “Mtoto huyu amechaguliwa na Mungu kwa makusudi ya kuanga mizwa na kuokolewa kwa wengi katika Israeli. Atakuwa ishara ya onyo kutoka kwa Mungu ambayo watu wengi wataikataa ³⁵ ili kudhi hirisha mawazo yao ya ndani. Na uchungu kama kisu kikali utaku choma moyoni.” ^36-37 ,Tena, alikuwepo Hekaluni nabii mmoja mwanamke, mzee sana, jina lake Ana, binti wa Fanueli, wa kabila la Asheri. Nabii Ana alikuwa mjane wa miaka themanini na minne naye alikuwa ameolewa kwa miaka saba tu mumewe akafariki. Yeye aliishi humo Hekaluni daima, akimwabudu Mungu na kuomba na kufunga.

³⁸ Wakati huo huo, Ana alikuja mbele akamshukuru Mungu na kueleza habari za huyo mtoto kwa watu wote waliokuwa wakitarajia ukombozi wa Yerusalemu. ³⁹ Yusufu na Mariamu walipokamilisha mambo yote yaliyotakiwa na sheria ya Mungu, walirudi nyumbani kwao Nazareti katika Wilaya ya Galilaya. ⁴⁰ Yesu aliendelea kukua, akawa kijana mwenye nguvu na hekima, akijaa baraka za

Mtoto Yesu Adhihirisha Hekima Yake

⁴¹ kila mwaka wazazi wake walikwenda Yerusalemu kushiriki katika siku kuu ya Pasaka. ⁴² Yesu alipokuwa na umri wa miaka kumi na miwili wote walikwenda kwenye sikukuu hiyo kama desturi ilivyokuwa. ⁴³ Sikukuu ilipokwisha walianza safari ya kurudi nyumbani. Yesu akabaki Yerusalemu pasipo wazazi wake kujua. ⁴⁴ Wao walidhani yupo nao kwenye msafara kwa hiyo wakaenda mwendo wa siku nzima. Walipotambua kwamba hawakuwa naye, walianza kumtafuta kati ya jamaa na marafiki. ⁴⁵ Hawakumpata, kwa hiyo wakarudi Yerusalemu wakimtafuta. ⁴⁶ Siku ya tatu wakamkuta Hek aluni ameketi kati ya walimu wa sheria, akiwasikiliza na kuwau liza maswali.