Lucas 8:45-47

Ang Biblia, 2001

⁴⁵ Sinabi ni Jesus, “Sino ang humawak sa akin?” Nang tumatanggi ang lahat, sinabi ni Pedro,^[a] “Guro, pinapalibutan ka at sinisiksik ng napakaraming tao.”

⁴⁶ Subalit sinabi ni Jesus, “May humawak sa akin, sapagkat alam ko na may kapangyarihang umalis sa akin.”

⁴⁷ At nang makita ng babae na siya'y hindi natatago, nangangatal siyang lumapit at nagpatirapa sa harapan niya. Kanyang sinabi sa harapan ng mga tao kung bakit niya hinawakan si Jesus^[b] at kung paanong siya ay kaagad gumaling.