Lucas 8:22-24

Ang Salita ng Dios (Tagalog Contemporary Bible)

Pinatigil ni Jesus ang Malakas na Hangin at Alon^(A)

²² Isang araw, sumakay ng bangka si Jesus kasama ang mga tagasunod niya. Sinabi niya sa kanila, “Tumawid tayo sa kabila ng lawa.” At ganoon nga ang ginawa nila. ²³ Nang naglalayag na sila, nakatulog si Jesus. Maya-mayaʼy lumakas ang hangin at pinasok ng maraming tubig ang bangka nila, kaya nalagay sila sa panganib. ²⁴ Nilapitan si Jesus ng mga tagasunod niya at ginising, “Guro!^[a] Guro! Lulubog na tayo!” Bumangon si Jesus at pinatigil ang malakas na hangin at ang malalaking alon. Tumigil ang mga ito at biglang kumalma ang panahon.