Lucas 4:42-44

Ang Pulong Sa Dios

⁴² Sa dihang namanagbanag na, mibiya si Jesus niadto nga lungsod ug miadto sa kamingawan. Gipangita siya sa mga tawo ug sa dihang nakita nila siya, nagpakilooy sila nga dili una siya mobiya sa ilang dapit. ⁴³ Apan miingon si Jesus kanila, “kinahanglan nga iwali ko usab sa ubang mga lungsod ang Maayong Balita mahitungod sa paghari sa Dios, kay gipadala ako tungod niini.” ⁴⁴ Unya nagpadayon si Jesus sa pagwali sa mga simbahan sa mga Judio didto sa Judea.