Lucas 21:36-38

Magandang Balita Biblia

³⁶ Kaya't maging handa kayo sa lahat ng oras. Lagi ninyong idalangin na magkaroon kayo ng kalakasan upang malampasan ninyo ang lahat ng mangyayaring ito, at makatayo kayo sa harap ng Anak ng Tao.”

³⁷ Araw-araw,^(A) si Jesus ay nagtuturo sa Templo. Kung gabi nama'y umaalis siya at nagpapalipas ng magdamag sa Bundok ng mga Olibo. ³⁸ Maaga pa'y pumupunta na sa Templo ang mga tao upang makinig sa kanya.