Lucas 20:12-14

Ang Salita ng Dios (Tagalog Contemporary Bible)

¹² Nagsugo ulit siya ng ikatlong alipin, pero sinaktan din nila ito at pinalayas. ¹³ Nag-isip ang may-ari ng ubasan, ‘Ano kaya ang gagawin ko? Alam ko na, papupuntahin ko sa kanila ang minamahal kong anak. Siguro naman ay igagalang nila siya.’ ¹⁴ Pero nang makita ng mga magsasaka ang anak niya, sinabi nila, ‘Narito na ang tagapagmana. Patayin natin siya para mapasaatin ang lupang mamanahin niya.’