Lucas 2:15-19

Ang Salita ng Dios (Tagalog Contemporary Bible)

¹⁵ Nang makaalis na ang mga anghel pabalik sa langit, nag-usap-usap ang mga pastol, “Tayo na sa Betlehem at tingnan natin ang mga pangyayaring sinabi sa atin ng Panginoon.” ¹⁶ Kaya nagmamadali silang pumunta sa Betlehem at nakita nila sina Maria at Jose, at ang sanggol na nakahiga sa sabsaban. ¹⁷ At isinalaysay nila ang mga sinabi sa kanila ng anghel tungkol sa sanggol. ¹⁸ Nagtaka ang lahat ng nakarinig sa sinabi ng mga pastol. ¹⁹ Pero iningatan ito ni Maria sa kanyang puso, at pinagbulay-bulayan ang lahat ng ito.