Lucas 12:48-50

Ang Salita ng Dios (Tagalog Contemporary Bible)

⁴⁸ At ang aliping hindi nakakaalam ng kagustuhan ng amo niya, at nakagawa ng kamalian ay parurusahan din, pero magaan lang. Ang binigyan ng marami ay hahanapan ng marami. Mas marami nga ang pananagutan ng pinagkatiwalaan ng mas marami.”

Ang Pagkakahati-hati ng Sambahayan Dahil kay Cristo^(A)

⁴⁹ “Naparito ako sa lupa upang magdala ng apoy^[a] at gusto ko sanang magliyab na ito. ⁵⁰ Ngunit bago ito mangyari, may mga paghihirap na kailangan kong pagdaanan. At hindi ako mapapalagay hanggaʼt hindi ito natutupad.