Leviticus 8:17-19

Ang Salita ng Dios (Tagalog Contemporary Bible)

¹⁷ Ang mga natirang bahagi ng baka, katulad ng laman, balat at lamang-loob ay sinunog niya sa labas ng kampo. Ginawa ito ni Moises ayon sa iniutos ng Panginoon. ¹⁸ Pagkatapos, ipinakuha ni Moises ang lalaking tupa bilang handog na sinusunog. Ipinatong ni Aaron at ng mga anak niyang lalaki ang kanilang mga kamay sa ulo ng tupa. ¹⁹ At pinatay ni Moises ang tupa at iwinisik ang dugo sa paligid ng altar.