Leviticus 4:4-6

Ang Salita ng Dios (Tagalog Contemporary Bible)

⁴ Dadalhin niya ang toro sa presensya ng Panginoon doon sa pintuan ng Toldang Tipanan. At ipapatong niya ang kanyang kamay sa ulo ng toro at saka niya ito papatayin. ⁵ Kukuha ng dugo ng toro ang punong pari at dadalhin niya sa loob ng Tolda. ⁶ Ilulubog niya ang kanyang daliri sa dugo at iwiwisik ng pitong beses sa harap ng tabing na tumatabing sa Pinakabanal na Lugar, sa presensya ng Panginoon.