Levitico 23:34-36

Magandang Balita Biblia (with Deuterocanon)

³⁴ “Sabihin mo rin ito sa mga Israelita: Mula sa ikalabing limang araw ng ikapitong buwan, magsisimula ang Pista ng mga Tolda. Pitong araw ninyo itong ipagdiriwang. ³⁵ Sa unang araw, magkaroon kayo ng banal na pagtitipon, at huwag kayong magtatrabaho. ³⁶ Pitong araw kayong maghahandog kay Yahweh ng handog na pagkain. Sa ikawalong araw, muli kayong magtitipon upang sumamba at mag-aalay ng pagkaing handog. Iyon ay banal na pagtitipon, kaya huwag kayong magtatrabaho.