Levitico 16:26-28

Magandang Balita Biblia

²⁶ Bago bumalik sa kampo ang taong nagdala ng kambing para kay Azazel, maliligo muna siya at maglalaba ng kanyang kasuotan. ²⁷ Ilalabas^(A) naman sa kampo ang toro at ang kambing na inihandog para sa kasalanan. Ang balat, ang laman at ang mga dumi nito ay susunugin sa labas ng kampo. ²⁸ Maglalaba ng kasuotan at maliligo ang nagsunog nito bago siya makabalik sa kampo.