Levitico 16:12-14

Ang Biblia (1978)

^12 (A)At kukuha siya mula sa dambana na nasa harap ng Panginoon ng isang suuban na puno ng mga baga; at kukuha ng dalawang dakot ^(B)ng masarap na kamangyan na totoong dikdik, at kaniyang dadalhin sa loob ng tabing:

^13 (C)At ilalagay niya ang kamangyan sa ibabaw ng apoy sa harap ng Panginoon, upang ang mga usok ng kamangyan ay tumakip sa luklukan ng awa na ^(D)nasa ibabaw ng kaban ng patoo, upang huwag siyang mamatay:

^14 (E)At siya'y kukuha ng dugo ng toro at iwiwisik ng kaniyang daliri sa ibabaw ng luklukan ng awa, sa dakong silanganan: at sa harap ng luklukan ng awa ay iwiwisik niyang makapito ng kaniyang daliri ang dugo.