Lucas 1:1-4

Ang Salita ng Dios (Tagalog Contemporary Bible)

Pasimula

1 ^1-3 Kagalang-galang na Teofilus:

Marami na ang sumulat tungkol sa mga nangyari rito sa atin. Isinulat nila ang tungkol kay Jesus, na isinalaysay din sa amin ng mga taong nangaral ng salita ng Dios at nakasaksi mismo sa mga pangyayari mula pa noong una. Pagkatapos kong suriing mabuti ang lahat ng ito mula sa simula, minabuti kong sumulat din ng isang maayos na salaysay para sa iyo, ⁴ upang lubusan mong matiyak na totoo ang mga aral na itinuro sa iyo.