Juan 5:13-15

Ang Biblia (1978)

¹³ Nguni't hindi nakikilala ng pinagaling kung sino siya; sapagka't si Jesus ay humiwalay, palibhasa'y may isang karamihan sa dakong yaon.

¹⁴ Pagkatapos ay nasumpungan siya ni Jesus sa templo, at sa kaniya'y sinabi, Narito, ikaw ay gumaling na: ^(A)huwag ka nang magkasala, baka mangyari pa sa iyo ang lalong masama.

¹⁵ Umalis ang tao, at sinaysay sa mga Judio na si Jesus ang sa kaniya'y nagpagaling.