Juan 3
Ang Salita ng Dios (Tagalog Contemporary Bible)
Tungkol sa Muling Kapanganakan
3 May isang taong nagngangalang Nicodemus. Isa siya sa mga pinuno ng mga Judio at kabilang sa grupo ng mga Pariseo. 2 Isang gabi, pumunta siya kay Jesus at sinabi, “Guro, alam naming isa kayong tagapagturo na mula sa Dios, dahil walang makakagawa ng mga himalang ginagawa ninyo, maliban kung sumasakanya ang Dios.” 3 Sumagot si Jesus, “Sinasabi ko sa iyo ang totoo, hindi mapapabilang sa kaharian ng Dios ang hindi ipinanganak na muli.”[a] 4 Nagtanong si Nicodemus, “Paanong maipapanganak muli ang isang taong matanda na? Hindi na siya pwedeng bumalik sa tiyan ng kanyang ina upang ipanganak muli.” 5 Sumagot si Jesus, “Sinasabi ko sa iyo ang totoo, hindi mapapabilang sa kaharian ng Dios ang hindi ipinanganak sa pamamagitan ng tubig at Banal na Espiritu. 6 Ang ipinanganak sa pamamagitan ng tao ay may pisikal na buhay, ngunit ang ipinanganak sa pamamagitan ng Banal na Espiritu ay nagkakaroon ng bagong buhay na espiritwal. 7 Kaya huwag kang magtaka sa sinabi ko sa iyo na kailangang ipanganak kayong muli. 8 Ang hangin ay umiihip kung saan nito gusto. Naririnig natin ang ihip nito, ngunit hindi natin alam kung saan nanggagaling o saan pupunta. Ganoon din ang sinumang ipanganak sa pamamagitan ng Banal na Espiritu.” 9 Nagtanong si Nicodemus, “Paano pong mangyayari iyon?” 10 Sumagot si Jesus, “Isa kang tanyag na tagapagturo sa Israel, pero hindi mo ito alam? 11 Sinasabi ko sa iyo ang totoo, ipinapahayag namin ang nalalaman at nasaksihan namin, ngunit hindi ninyo tinatanggap. 12 Kung hindi kayo naniniwala sa mga sinasabi ko tungkol sa mga bagay dito sa mundo, paano pa kaya kayo maniniwala sa mga sasabihin ko tungkol sa mga bagay sa langit? 13 Walang sinumang nakapunta sa langit maliban sa akin na Anak ng Tao na nagmula sa langit.”
14 Sinabi pa ni Jesus, “Kung paanong itinaas ni Moises ang ahas na tanso sa ilang ay ganoon din naman, ako na Anak ng Tao ay dapat ding itaas,[b] 15 upang ang sinumang sumasampalataya sa akin ay magkaroon ng buhay na walang hanggan.
16 “Sapagkat ganito ang pag-ibig ng Dios sa mga tao sa sanlibutan: Ibinigay niya ang kanyang Bugtong[c] na Anak, upang ang sinumang sumasampalataya sa kanya ay hindi mapahamak kundi magkaroon ng buhay na walang hanggan. 17 Sapagkat hindi sinugo ng Dios ang kanyang Anak dito sa mundo upang hatulan ng parusa ang mga tao, kundi upang iligtas sila. 18 Ang sumasampalataya sa kanya ay hindi hahatulan ng kaparusahan, ngunit ang hindi sumasampalataya ay hinatulan na, dahil hindi siya sumampalataya sa kaisa-isang Anak ng Dios. 19 Hinatulan sila dahil dumating ang Anak ng Dios bilang ilaw dito sa mundo, ngunit mas ginusto nilang manatili sa dilim kaysa sa lumapit sa kanya na nagbibigay-liwanag, dahil masama ang mga ginagawa nila. 20 Ang taong gumagawa ng masama ay ayaw sa liwanag at hindi lumalapit sa liwanag, dahil ayaw niyang malantad ang kanyang mga gawa. 21 Ngunit ang namumuhay sa katotohanan ay lumalapit sa liwanag, upang malaman ng lahat na ang mabubuti niyang gawa ay nagawa niya sa tulong ng Dios.”
Si Jesus at si Juan
22 Pagkatapos nito, pumunta si Jesus at ang mga tagasunod niya sa ibang lugar ng Judea. Nanatili sila roon at nagbautismo ng mga tao. 23 Nagbabautismo rin si Juan sa Enon, malapit sa Salim, dahil maraming tubig doon. Pumupunta sa kanya ang mga tao upang magpabautismo. 24 (Hindi pa nakakulong noon si Juan.)
25 Ngayon, nagkaroon ng pagtatalo ang ilang tagasunod ni Juan at ang isang Judio tungkol sa bautismo.[d] 26 Kaya pumunta sila kay Juan at sinabi, “Guro, ang kasama nʼyo sa kabila ng Ilog ng Jordan, na ipinakilala nʼyo sa mga tao ay nagbabautismo na rin, at nagpupuntahan sa kanya ang halos lahat ng tao.” 27 Sumagot si Juan, “Walang magagawa ang tao kung hindi ipahintulot ng Dios. 28 Kayo na rin ang makakapagpatunay na sinabi kong hindi ako ang Cristo. Isa lang akong sugo na nauna sa kanya upang ipahayag ang pagdating niya. 29 Kagaya sa isang kasal: ang babaeng ikakasal ay para sa lalaking ikakasal, at ang abay na naghihintay ay natutuwa sa pagdating ng lalaking ikakasal. Ganoon din sa akin, tuwang-tuwa ako ngayon na lumalapit na ang mga tao kay Jesus. 30 Kailangang lalo pa siyang makilala, at ako namaʼy makalimutan na.”
Ang Nagmula sa Langit
31 Sinabi pa ni Juan, “Si Cristoʼy nagmula sa langit, kaya dakila siya sa lahat. Tayo naman ay taga-lupa at nagsasalita tungkol lang sa mga bagay dito sa lupa. Ngunit si Cristo na nagmula sa langit ay dakila sa lahat. 32 Ipinapahayag niya ang nakita at narinig niya sa langit, ngunit ilan lang ang naniniwala sa kanyang pahayag. 33 Ngunit ang naniniwala sa pahayag niya ay nagpapatunay na totoo ang mga sinasabi ng Dios. 34 Sapagkat si Cristo na sinugo ng Dios ay nagpapahayag sa atin ng mga sinasabi ng Dios, dahil lubos na ipinagkaloob sa kanya ang Banal na Espiritu. 35 Mahal ng Ama ang kanyang Anak, at ipinailalim sa kapangyarihan niya ang lahat. 36 Ang sumasampalataya sa Anak ng Dios ay may buhay na walang hanggan. Ngunit ang hindi sumusunod sa kanya ay hindi magkakaroon ng buhay na walang hanggan kundi mananatili sa kanya ang galit ng Dios.”
John 3
Tree of Life Version
A Pharisee Comes Seeking Truth
3 Now there was a man, a Pharisee named Nicodemus, a ruler of the Jewish people. 2 He came to Yeshua at night and said, “Rabbi, we know that You, a teacher, have come from God. For no one can perform these signs which You do unless God is with Him!”
3 Yeshua answered him, “Amen, amen I tell you, unless one is born from above,[a] he cannot see the kingdom of God.”
4 “How can a man be born when he is old?” Nicodemus said to Him. “He cannot enter his mother’s womb a second time and be born, can he?”
5 Yeshua answered, “Amen, amen I tell you, unless one is born of water and spirit,[b] he cannot enter the kingdom of God. 6 What is born of the flesh is flesh, and what is born of the Spirit is spirit. 7 Do not be surprised that I said to you, ‘You all must be born from above.’ 8 The wind blows where it wishes and you hear its sound, but you do not know where it comes from or where it goes. So it is with everyone born of the Spirit.”
The Father’s Love Revealed
9 “How can these things happen?” Nicodemus said.
10 Yeshua answered him, “You’re a teacher of Israel and you do not understand these things? 11 Amen, amen I tell you, We speak about what We know and testify about what We have seen. Yet you all do not receive Our testimony! 12 If you do not believe the earthly things I told you, how will you believe when I tell you about heavenly things? 13 No one has gone up into heaven except the One who came down from heaven—the Son of Man. 14 Just as Moses lifted up the serpent in the desert,[c] so the Son of Man must be lifted up, 15 so that whoever believes in Him may have eternal life!
16 “For God so loved the world that He gave His one and only Son, that whoever believes in Him shall not perish but have eternal life. 17 God did not send the Son into the world to condemn the world, but in order that the world might be saved through Him. 18 The one who believes in Him is not condemned; but whoever does not believe has been condemned already, because he has not put his trust in the name of the one and only Ben-Elohim.
19 “Now this is the judgment, that the light has come into the world and men loved the darkness instead of the light,[d] because their deeds were evil. 20 For everyone who does evil hates the light and does not come to the light, so that their deeds will not be exposed. 21 But whoever practices the truth comes to the light, so that it may be made known that his deeds have been accomplished in God.”
The Living Word, Source of Life
22 Afterwards, Yeshua and His disciples came to the land of Judea. There He was staying with them and immersing. 23 Now John also was immersing at Aenon near Salim, because much water was there and many were coming and being immersed; 24 for John had not yet been thrown into prison.
25 Now an argument came up between John’s disciples and a Judean concerning purification. 26 They came to John and said, “Rabbi, the One who was with you beyond the Jordan, the One you testified about—look, He is immersing, and all are coming to Him!”
27 John answered, “A man can receive nothing unless it has been given to him from heaven. 28 You yourselves testify that I said, ‘I am not the Messiah,’ but rather, ‘I am sent before Him.’ 29 The one who has the bride is the bridegroom, but the best man rejoices when he stands and hears the bridegroom’s voice. So now my joy is complete! 30 He must increase, while I must decrease.”
31 The One who comes from above is above all. The one who is from the earth is of the earth, and of the earth he speaks. The One who comes from heaven is above all. 32 And what He has seen and heard, He testifies to that; yet no one receives His testimony. 33 Whoever receives His testimony has certified that God is true.
34 The One whom God has sent speaks the words of God, for God gives the Ruach without limit. 35 The Father loves the Son and has given everything into His hand. 36 He who trusts in the Son has eternal life. He who does not obey the Son will not see life, but the wrath of God remains on him.
Ang Salita ng Dios (Tagalog Contemporary Bible) Copyright © 2009, 2011, 2014, 2015 by Biblica, Inc. ®
Tree of Life (TLV) Translation of the Bible. Copyright © 2015 by The Messianic Jewish Family Bible Society.