Juan 20:1-3

Magandang Balita Biblia

Ang Muling Pagkabuhay ni Jesus^(A)

20 Madilim-dilim pa nang unang araw ng sanlinggo, pumunta si Maria Magdalena sa libingan. Naratnan niyang naalis na ang batong nakatakip sa libingan. ² Dahil dito, patakbo siyang pumunta kay Simon Pedro at sa alagad na mahal ni Jesus, at sinabi sa kanila, “Kinuha nila ang Panginoon mula sa libingan, at hindi namin alam kung saan siya inilagay!”

³ Sina Pedro at ang nasabing alagad ay nagpunta sa libingan.