Juan 2:4-6

Magandang Balita Biblia

⁴ Sinabi ni Jesus, “Ipaubaya na lang po ninyo ito sa akin, Ginang.^[a] Hindi pa ito ang aking tamang oras.”

⁵ Sinabi ng kanyang ina sa mga naglilingkod, “Gawin ninyo ang anumang sabihin niya sa inyo.”

⁶ May anim na banga doon, ang bawat isa'y naglalaman ng dalawampu hanggang tatlumpung galon. Ang mga ito ay nakalaan para sa paghuhugas ayon sa rituwal ng mga Judio.