Juan 18:38-40

Ang Biblia (1978)

³⁸ Sinabi sa kaniya ni Pilato, Ano ang katotohanan?

At nang masabi niya ito ay ^(A)lumabas siyang muli sa mga Judio, at sa kanila'y sinabi, Wala akong masumpungang anomang kasalanan sa kaniya.

³⁹ Nguni't kayo'y ^(B)may ugali, na pawalan sa inyo ang isa sa paskua: ibig nga baga ninyong sa inyo'y pawalan ko ang Hari ng mga Judio?

⁴⁰ Sila nga'y nagsigawang muli, na nangagsasabi, Huwag ang taong ito, kundi si Barrabas. Si Barrabas nga'y isang tulisan.