Juan 1:19-21

Magandang Balita Biblia (with Deuterocanon)

Ang Patotoo ni Juan na Tagapagbautismo^(A)

¹⁹ Ang mga pinuno ng mga Judio sa Jerusalem ay nagsugo ng mga pari at Levita upang itanong kay Juan kung sino nga ba siya. ²⁰ Hindi nagkaila si Juan; sa halip ay maliwanag niyang sinabi, “Hindi ako ang Cristo.”

²¹ “Sino^(B) ka kung gayon?” tanong nila. “Ikaw ba si Elias?”

“Hindi ako si Elias,” tugon niya.

“Ikaw ba ang Propeta?”

Sumagot siya, “Hindi rin.”