Josue 2:9-11

Ang Biblia (1978)

⁹ At sinabi niya sa mga lalake, Talastas ko na ibinigay sa inyo ng Panginoon ang lupain, at dinatnan kami ng ^(A)pangingilabot sa inyo at ang lahat na nananahan sa lupain ay nauupos sa harap ninyo.

¹⁰ Sapagka't aming nabalitaan kung paanong tinuyo ng Panginoon ang tubig sa Dagat na Mapula sa harap ninyo, nang kayo'y lumabas sa Egipto; ^(B)at kung ano ang inyong ginawa sa dalawang hari ng mga Amorrheo, na nangasa dako roon ng Jordan, kay Sehon at kay Og, na inyong lubos na pinuksa.

^11 (C)At pagkabalita namin, ay nanglumo ang aming ^(D)puso, ni walang diwa na naiwan sa kanino mang tao, dahil sa inyo; ^(E)sapagka't ang Panginoon ninyong Dios, ay siyang Dios sa langit sa itaas, at sa lupa sa ibaba.