Jan 6:16-21

Nouvo Testaman: Vèsyon Kreyòl Fasil

Jezi mache sou dlo

(Mat 14:22-27; Mak 6:45-52)

¹⁶ Nan aswè, disip Jezi yo te desann ale nan lak la. ¹⁷ Li te fènwa, epi Jezi pa t ankò retounen vini jwenn yo. Yo antre nan yon bato epi yo kòmanse avanse pou travèse lak la pou ale Kapènawòm. ¹⁸ Van an t ap soufle byen fò. Lanm lanmè ki te sou lak la te vin pi fò toujou. ¹⁹ Disip yo te avanse senk ou sis kilomèt^[a] konsa, epi yo wè Jezi. Li t ap mache sou dlo a vini toupre bato a. Disip yo te pè anpil. ²⁰ Men li di yo: “Nou pa bezwen pè, se mwen menm.” ²¹ Lè li di sa, yo te vle mete l nan bato a. Epi tousuit apre, bato a rive kote yo t aprale a.