यूहन्ना 14:1-4

New Chhattisgarhi Translation (नवां नियम छत्तीसगढ़ी)

यीसू ह अपन चेलामन ला ढाढ़स बंधाथे

14 यीसू ह कहिस, “तुम्‍हर हिरदय बियाकुल झन होवय। परमेसर ऊपर बिसवास करव अऊ मोर ऊपर घलो बिसवास करव। ² मोर ददा के घर म बहुंत जगह हवय; यदि नइं होतिस, त मेंह तुमन ला बता देतेंव। मेंह उहां तुम्‍हर बर जगह तियार करे बर जावत हंव। ³ अऊ जब मेंह जाके तुम्‍हर बर जगह तियार कर लूहूं, त मेंह फेर आहूं अऊ तुमन ला मोर इहां ले जाहूं ताकि जिहां में रहंव उहां तुमन घलो रहव। ⁴ जिहां मेंह जावत हंव, तुमन ओ जगह के रसता ला जानत हव।”