Joel 2:3-5

Ang Salita ng Dios (Tagalog Contemporary Bible)

³ Sunud-sunod na sumalakay ang mga balang na parang apoy.^[a] Bago sila dumating ang lupain ay parang halamanan ng Eden. Pero nang masalakay na nila, para na itong disyerto. Wala silang halaman na itinira. ⁴ Parang kabayo ang kanilang anyo, at mabilis sila tulad ng mga kabayong pandigma. ⁵ Ang ingay ng kanilang paglukso sa ibabaw ng mga bundok ay parang mga karwaheng tumatakbo at parang ingay ng nasusunog na dayami. Tulad sila ng makapangyarihang hukbo na handang makipagdigma.