Yobu 3-6

Endagaano Enkadde nʼEndagaano Empya

^11 (F)“Lwaki saafa nga nzalibwa,
    oba ne nfa nga nva mu lubuto lwa mmange?
^12 (G)Lwaki amaviivi ganzikiriza okugatuulako
    era n’amabeere okugayonka?
^13 (H)Kaakano nandibadde ngalamidde nga neesirikidde,
    nandibadde neebase nga neewummulidde,
^14 (I)wamu ne bakabaka n’abakungu ab’ensi,
    abezimbira embiri kaakano amatongo,
^15 (J)oba n’abalangira abaalina zaabu,
    abajjuzanga ffeeza mu nnyumba zaabwe.
^16 (K)Oba lwaki saaziikibwa ng’omwana azaaliddwa ng’afudde,
    atalabye ku kitangaala?
^17 (L)Eyo ababi gye batatawaanyizibwa,
    era n’abakooye gye bawummulira.
^18 (M)Abasibe gye bawummulira awamu,
    gye batawulirira kiragiro ky’oyo abaduumira.
¹⁹ Abakopi n’abakungu gye babeera;
    abaddu gye batatuntuzibwa bakama baabwe.

^20 (N)“Lwaki omuyinike aweebwa ekitangaala,
    ne kimulisiza oyo alumwa mu mwoyo,
^21 (O)era lwaki yeegomba okufa naye ne kutajja,
    n’akunoonya okusinga obugagga obuziikiddwa,
²² abajaguza ekisukkiridde,
    ne basanyuka ng’atuuse ku ntaana?
^23 (P)Lwaki okuwa ekitangaala oyo,
    atayinza kulaba kkubo,
    Katonda gw’akomedde?
^24 (Q)Kubanga nkaaba mu kifo ky’okulya,
    n’okusinda kwange kufukumuka ng’amazzi.
^25 (R)Ekintu kye nantiiranga ddala
    era kye nakyawa kye kyantukako.
^26 (S)Siwummudde wadde okusiriikirira wadde okuba n’emirembe,
    wabula buzibu bwereere bwe bunzijidde.”

^7 (Y)“Kaakano lowooza; ani ataliiko musango eyali azikiridde?
    Oba wa abatuukirivu gye baali bamaliddwawo?
^8 (Z)Okusinziira ku kyendabye; abo abateekateeka okukola ebibi era ne basiga ebitali bya butuukirivu,
    bakungula bizibu.
^9 (AA)Bazikirizibwa omukka Katonda gw’assa,
    bamalibwawo obusungu bwe.
^10 (AB)Okuwuluguma kw’empologoma, n’eddoboozi ly’empologoma enkambwe,
    n’amannyo g’empologoma ento gamenyeka.
^11 (AC)Empologoma ey’amaanyi ezikirira olw’okubulwa omuyiggo,
    n’obwana bw’empologoma busaasaana.

^12 (AD)“Nategeezebwa ekigambo eky’ekyama,
    ne nkitegera okutu.
^13 (AE)Wakati mu birowoozo n’okwolesebwa kw’ekiro
    ng’otulo otungi tukutte omuntu,
^14 (AF)okutya n’okukankana byankwata ne bireetera amagumba gange okunyegenya.
¹⁵ Omwoyo gw’ayita mu maaso gange,
    obwoya bw’oku mubiri gwange ne buyimirira.
¹⁶ Ne buyimirira butengerera,
    naye saasobola kwetegereza ndabika yaabwo,
n’ekifaananyi kyali mu maaso gange, ne wabaawo akasiriikiriro,
    ne ndyoka mpulira eddoboozi nga ligamba nti,
^17 (AG)‘Omuntu afa ayinza okuba omutuukirivu okusinga Katonda?
    Omuntu ayinza okuba omulongoofu okusinga Omutonzi we?
^18 (AH)Obanga abaddu be tabeesiga,
    nga bamalayika be abalanga ensobi
^19 (AI)kale kiriba kitya,
    abo abasula mu z’ebbumba ezirina emisingi egiri mu nfuufu,
    ababetentebwa n’okusinga ekiwojjolo?
^20 (AJ)Bamalibwawo wakati w’amakya n’akawungeezi,
    bazikirira emirembe n’emirembe awatali abafaako.
^21 (AK)Omuguwa gwa weema yaabwe gusimbulwa munda,
    ne bafa ng’abasirusiru.’ ”
5 ^(AL)“Koowoola kaakano, waliwo anaakuyitaba?
    Era ani ku batukuvu gw’onoolaajaanira?
^2 (AM)Obukyayi butta atalina magezi,
    n’obuggya butta omusirusiru.
^3 (AN)Ndabye abasirusiru nga banywevu,
    naye mangu ddala ne nkolimira ekifo kye batuulamu.
^4 (AO)Abaana baabwe tebalina bukuumi,
    babetenterwa mu luggya nga tewali abawolereza.
^5 (AP)Omuyala alya amakungula gaabwe
    era atwala n’ag’omu maggwa
    era awankirawankira eby’obugagga byabwe.
⁶ Kubanga okulaba ennaku tekuva mu nsi,
    wadde obuzibu okuva mu ttaka,
^7 (AQ)wabula abantu bazaalibwa kulaba nnaku,
    ng’ensasi bwe zibuuka waggulu.
^8 (AR)Naye nze, nzija kunoonya Katonda
    era mmulekere ensonga zange.
^9 (AS)Akola ebikulu, ebitanoonyezeka,
    ebyewuunyisa ebitabalika.
^10 (AT)Atonnyesa enkuba ku nsi,
    n’aweereza amazzi mu byalo.
^11 (AU)Ayimusa abo abanyigirizibwa
    n’abo abakaaba ne basitulibwa mu mirembe.
^12 (AV)Aziyiza enkwe z’ababi,
    emikono gyabwe gireme okutuukiriza bye bateesa.
^13 (AW)Agwikiririza abagezigezi mu bukujjukujju bwabwe,
    n’enkwe zaabwe n’aziziyiriza ddala.
^14 (AX)Ekizikiza kibabuutikira emisana,
    ne bawammanta mu ttuntu ng’ekiro.
^15 (AY)Naye aggya abali mu bwetaavu mu mukono gw’abo ab’amaanyi,
    n’abawonya ekitala kyabwe.
^16 (AZ)Abaavu ne balyoka baba n’essuubi,
    n’akamwa k’abatali benkanya ne kazibibwa.

^17 (BA)“Alina omukisa omuntu Katonda gw’abuulirira;
    noolwekyo tonyooma kukangavvula kw’oyo Ayinzabyonna.
^18 (BB)Kubanga ye y’afumita ate era y’anyiga,
    y’alumya era y’awonya.
^19 (BC)Alikuwonya mu buzibu bwa ngeri mukaaga.
    Weewaawo ne mu ngeri musanvu tootuukibwengako kulumizibwa.
^20 (BD)Mu njala alikuwonya okufa,
    era anaakuwonyanga mu lutalo olw’ekitala.
^21 (BE)Onookuumibwanga eri olulimi olukambwe,
    era tootyenga okuzikirira bwe kunaabanga kujja gy’oli.
^22 (BF)Oliseka ng’okuzikirira n’enjala bizze,
    era tootyenga nsolo nkambwe ez’oku nsi.
^23 (BG)Onoobanga n’enkolagana n’amayinja ag’omu nnimiro,
    era onoobanga n’emirembe awali ensolo enkambwe.
^24 (BH)Olimanya nti, ensiisira yo eri mirembe;
    era eby’obugagga byo olibibala n’olaba nga tewali kibuzeeko.
^{25     (BI)}Olimanya ng’ezzadde lyo liriba ddene,
    ne bazzukulu bo baliba bangi ng’omuddo ogw’oku nsi.
^26 (BJ)Olituusibwa ku ntaana yo nga wakaddiyira ddala,
    ng’eŋŋaano bwe tuukira mu kiseera kyayo.

²⁷ “Ekyo twakyekenneenya, kituufu.
    Kimanye nga kikwata ku ggwe.”

^8 (BO)“Singa Katonda ampa kye nsaba,
    n’ampa kye nsuubira,
^9 (BP)yandisiimye okumbetenta
    ne mmalibwawo omukono gwe.
^10 (BQ)Kino kyandikkakkanyizza
    obulumi obutakoma
    kubanga sigaanye bigambo bya Mutukuvu.
^11 (BR)Amaanyi ngaggya wa, ndyoke mbe n’essuubi?
    Era enkomerero yange, eruwa ndyoke ngumiikirize?
¹² Amaanyi gange ga mayinja
    oba omubiri gwange gwa kikomo?
^13 (BS)Mu mazima sirina maanyi
    n’obusobozi bwanzigwako.
¹⁴ Oyo agaana ebyekisa okuva eri mukwano gwe
    tafaayo kutya Ayinzabyonna.
^15 (BT)Baganda bange tebeesigika, bali ng’akagga akabooga
    ate ne kakalira,
¹⁶ akaddugalirira
    buli lwe kakwata, ng’omuzira,
^17 (BU)ate ne kaggwaawo
    buli lwe wabaawo ebbugumu.
¹⁸ Ebibinja by’abatambuze we biviira ku mugendo
    ne biraga mu ddungu ne bizikirira.
^19 (BV)Abatambuze b’e Teema banoonya,
    bo ab’e Seeba ne balindirira n’essuubi.
^20 (BW)Baalina essuubi
    naye bwe baatuukayo ne banyolwa nnyo.
^21 (BX)Kaakano bwe mundabye ne mutya
    ne mukakasizza ddala nga temuliiko kye muyinza kukola.
²² Nnali mbagambye nti, ‘Mumpe ekirabo,’
    oba nti, ‘Mumpeereyo ekintu ku by’obugagga bwammwe,
²³ okumponya nve mu mukono gw’omulabe,
    n’okumpeerayo ekintu mpone emitego gy’abakambwe’? 

^24 (BY)“Njigiriza nange n’aba musirise;
    ndaga we nsobezza.
^25 (BZ)Ebigambo eby’amazima nga bya bulumi!
    Naye okuwakana kwammwe kukakasa ki?
^26 (CA)Mugezaako okugolola ebigambo byange,
    ne mufuula ebigambo by’omuntu ali obubi okuba ng’empewo?
^27 (CB)Mukubira ne bamulekwa akalulu
    ate ne mukubira ne mukwano gwammwe.

^28 (CC)“Naye kaakano mubeere ba kisa muntunuulire.
    Ndabika ng’omulimba?
^29 (CD)Mufumiitirize, temusuula bwenkanya;
    Mukirowoozeeko, kubanga obujulirwa bwange buli ku kalebwerebwe.
^30 (CE)Emimwa gyange girabika ng’egirimba?
    Emimwa gyange tegisobola kutegeera ttima?”