Job 19:13-19

Magandang Balita Biblia

¹³ “Ang mga kapatid ko'y pinalayo niya sa akin;
    mga dating kakilala, hindi na ako pinapansin.
¹⁴     Pati mga kamag-anak ko'y nag-alisan; naiwan akong walang kaibigan.
¹⁵ Dati kong mga panauhi'y di na ako kilala;
    para na akong dayuhan sa aking mga alila.
¹⁶ Ang utos ko sa kanila'y hindi na rin pinapansin,
    makiusap man ako'y ayaw pa rin akong sundin.
¹⁷ Pati na ang asawa ko'y nandidiri sa akin;
    mga kapatid ko sa laman, ayaw akong makapiling.
¹⁸ Ako'y kinukutya ng mga batang paslit; kapag ako'y nakita, pinagtatawanan at nilalait.
¹⁹ Mga^(A) kaibigan kong matalik sa akin ay nasusuklam,
    ang mga minamahal ko, ako'y nilalayuan.