Jeremias 51:31-33

Magandang Balita Biblia

³¹ Nagkakasalubong sa pagtakbo ang mga inutusan. Sinasalubong ng isang sugo ang kanyang kapwa sugo. Sasabihin nila sa hari ng Babilonia na nasakop na ang lahat ng panig ng kanyang lunsod. ³² Naagaw ang mga tawiran. Sinunog ang mga kuta. Sindak na sindak ang mga kawal. ³³ Ang Babilonia ay parang giikang niyayapakan. Sandali na lamang at darating na ang panahon ng pag-ani sa kanya.”