Jeremias 51:27-29

Ang Biblia, 2001

²⁷ “Magtaas kayo ng watawat sa lupa,
    inyong hipan ang trumpeta sa gitna ng mga bansa,
ihanda ninyo ang mga bansa sa pakikidigma laban sa kanya,
    ipatawag ninyo laban sa kanya ang mga kaharian
    ng Ararat, Minni, at Askenaz;
pumili kayo ng pinuno laban sa kanya;
    magdala kayo ng mga kabayo na gaya ng pulutong na mga balang.
²⁸ Ihanda ninyo ang mga bansa sa pakikidigma laban sa kanya,
    ang mga hari ng mga Medo, ang kanilang mga tagapamahala at mga kinatawan,
    at ang bawat lupain na kanilang nasasakupan.
²⁹ At ang lupain ay nanginginig at namimilipit sa sakit,
    sapagkat ang mga layunin ng Panginoon laban sa Babilonia ay nananatili,
upang wasakin ang lupain ng Babilonia,
    na walang naninirahan.