Jeremias 47:5-7

Magandang Balita Biblia

⁵ Parang kinalbo ang Gaza;
    pinatahimik ang Ashkelon.
    Hanggang kailan magluluksa ang mga Filisteo?
⁶ Kailan pa magpapahinga ang tabak ni Yahweh?
Lumigpit ka na sa kaluban, at doon manahimik!
⁷ Paano naman itong mapapahinga?
    Hindi pa tapos ang gawaing itinakda sa kanya ni Yahweh
laban sa Ashkelon at sa kapatagang malapit sa dagat;
    doon nakatakda ang gawain nito.”