Jeremias 39:15-17

Magandang Balita Biblia (with Deuterocanon)

Pag-asa para kay Ebed-melec

¹⁵ Samantalang nasa himpilan ng bantay si Jeremias, sinabi sa kanya ni Yahweh, ¹⁶ “Pumunta ka kay Ebed-melec na taga-Etiopia at sabihin mo: Ganito ang sinasabi ni Yahweh na Makapangyarihan sa lahat, ang Diyos ng Israel. Matutupad na ngayon ang lahat ng sinabi kong pagkawasak laban sa lunsod na ito. Makikita mo ang kapahamakang aking ibinabala sa takdang araw. ¹⁷ Subalit ililigtas kita sa araw na iyon, at hindi ka ibibigay sa kamay ng mga taong kinatatakutan mo.