Jeremias 31:7-9

Magandang Balita Biblia (with Deuterocanon)

⁷ Ang sabi ni Yahweh:
“Umawit kayo sa kagalakan alang-alang kay Jacob,
    ipagbunyi ninyo ang pinakadakilang bansa;
magpuri kayo at inyong ipahayag
    na iniligtas ni Yahweh ang kanyang bayan,
    ang mga nalabi sa Israel.
⁸ Narito, sila'y ibabalik ko mula sa hilaga;
    titipunin ko sila mula sa mga sulok ng sanlibutan,
kasama ang mga bulag at mga pilay,
    ang mga inang may anak na pasusuhin, pati ang malapit nang manganak;
sila'y babalik na talagang napakarami!
⁹ Uuwi silang nag-iiyakan habang daan,
    nananalangin samantalang inaakay ko pabalik.
Dadalhin ko sila sa mga bukal ng tubig,
    pararaanin sa patag na landas upang hindi sila madapa.
Sapagkat ang Israel ay aking anak,
    at si Efraim ang aking panganay.”