Jeremias 13:20-22

Ang Biblia, 2001

²⁰ “Itanaw ninyo ang inyong mga mata,
    at masdan ninyo ang mga nanggagaling sa hilaga.
Nasaan ang kawan na ibinigay sa iyo,
    ang iyong magandang kawan?
²¹ Ano ang iyong sasabihin kapag kanilang inilagay bilang iyong puno
    yaong tinuruan mo upang makipagkaibigan sa iyo?
Hindi ka ba masasaktan
    gaya ng isang babae na manganganak?
²² At kung iyong sasabihin sa iyong puso,
    ‘Bakit dumating sa akin ang mga bagay na ito?’
Dahil sa laki ng iyong kasamaan
    ay itinaas ang iyong palda
    at nagdaranas ka ng karahasan.