Jeremias 20:14-18

Ang Biblia (1978)

¹⁴ Sumpain ^(A)ang araw na kinapanganakan sa akin: huwag pagpalain ang araw na kinapanganakan sa akin ng aking ina.

¹⁵ Sumpain ang tao na nagdala ng balita sa aking ama, na nagsabi, Isang lalake ay ipinanganak sa iyo, na pinasaya siyang mainam.

¹⁶ At ang lalaking yaon ay maging gaya ng mga bayang ^(B)giniba ng Panginoon, at hindi pinagsisihan: at ^(C)makarinig nawa siya ng daing sa umaga, at hiyawan sa katanghaliang tapat;

¹⁷ Sapagka't ^(D)hindi niya pinatay ako sa bahay-bata; at sa gayo'y naging libingan ko sana ang aking ina, at ang kaniyang bahay-bata, ay naging laging dakila sana.

¹⁸ Bakit nga ako'y ^(E)nalabas sa bahay-bata upang makakita ng hirap at kapanglawan, upang ang aking mga araw ay manaw na may kahihiyan?