Jan 5:25-29

Nouvo Testaman: Vèsyon Kreyòl Fasil

²⁵ Sa m ap di nou la a, se vre, nou ta dwe kwè sa. Epi kite m di nou yon lòt bagay, gen yon jou enpòtan k ap vini. Jou sa a gentan la. Moun ki mouri va tande vwa Pitit Bondye a. Epi moun ki tande se yo ki va gen lavi. ²⁶ Menm jan lavi se nan Papa a li soti, konsa tou, Papa a bay Pitit la pouvwa pou l bay lavi. ²⁷ Epi Papa a bay Pitit la otorite pou l jije tout moun, paske li se Pitit Lòm nan.

²⁸ Pa sezi. Gen yon jou k ap vini kote tout moun ki mouri pral tande vwa Pitit la. ²⁹ Alò yo va leve soti nan tonm yo. Sa ki te fè byen nan lavi sa a, yo va resisite epi yo va genyen lavi etènèl. Men sa ki t ap fè sa ki mal yo, yo va resisite pou yo jije epi pou yo jwenn kondanasyon yo.