Jan 5:16-18

Nouvo Testaman: Vèsyon Kreyòl Fasil

¹⁶ Jezi te fè tout bagay sa yo nan jou repo a. Se poutèt sa Jwif yo t ap chache wè kijan yo ta simen boulvès pou bay Jezi pwoblèm. ¹⁷ Men li di yo: “Papa m pa janm sispann travay, se kon sa mwen menm tou m ap travay.”

¹⁸ Sa fè Jwif yo t ap chache pi plis pou touye l. Yo te di “Premyèman, nonm sa a pa obsève Lalwa sou jou repo a. Epi Li di Bondye se Papa l. Li fè pwòp tèt pa l egal ak Bondye.”