Santiago 1:2-5

Magandang Balita Biblia (with Deuterocanon)

Pananampalataya at Karunungan

² Mga^(A) kapatid, magalak kayo kapag kayo'y dumaranas ng iba't ibang uri ng pagsubok. ³ Dapat ninyong malaman na nagiging matatag ang inyong pananampalataya sa pamamagitan ng mga pagsubok. ⁴ At dapat kayong magpakatatag hanggang wakas upang kayo'y maging ganap at walang pagkukulang.

⁵ Ngunit^(B) kung ang sinuman sa inyo ay kulang sa karunungan, humingi siya sa Diyos at siya'y bibigyan, sapagkat ang Diyos ay nagbibigay nang sagana at hindi nanunumbat.