Isaias 66:4-6

Ang Biblia (1978)

⁴ Akin namang pipiliin ang kanilang mga kakutyaan, at dadalhan ko sila ng kanilang takot, ^(A)sapagka't nang ako'y tumawag, walang sumagot; nang ako'y magsalita ay walang nakinig; kundi sila'y nagsigawa ng masama sa harap ng aking mga mata, at pinili ang hindi ko kinaluluguran.

Ang hatol ng Panginoon.

⁵ Inyong pakinggan ang salita ng Panginoon, ninyong nanginginig sa kaniyang salita, Ang inyong mga kapatid na nangagtatanim sa inyo na nangagtatakuwil ^(B)sa inyo dahil sa akin, nangagsabi, ^(C)Luwalhatiin ang Panginoon, upang makita namin ^(D)ang inyong kagalakan; nguni't sila'y mangapapahiya.

⁶ Ang ingay ng kagulo na mula sa bayan, ang tinig na mula sa templo, ang tinig ng Panginoon na naggagawad ng kagantihan sa kaniyang mga kaaway.