Isaias 65:18-20

Ang Biblia, 2001

¹⁸ Ngunit kayo'y matuwa at magalak magpakailanman
    sa aking nilikha;
sapagkat, aking nililikha ang Jerusalem na isang kagalakan,
    at ang kanyang bayan na isang kaluguran.
¹⁹ Ako'y^(A) magagalak sa Jerusalem,
    at maliligayahan sa aking bayan;
at ang tinig ng iyak ay hindi na maririnig pa sa kanya,
    o ang tinig man ng daing.
²⁰ Hindi na magkakaroon doon
    ng sanggol na nabuhay lamang ng ilang araw,
    o ng matanda man na hindi nalubos ang kanyang mga araw;
sapagkat ang kabataan ay mamamatay na may isandaang taong gulang,
    at susumpain ang taong hindi makaabot sa isandaang taong gulang.