Isaias 65:17-19

Ang Biblia (1978)

Ang bagong langit at ang bagong lupa.

¹⁷ Sapagka't narito, ako'y ^(A)lumilikha ng mga bagong langit, at ng bagong lupa, at ang mga dating bagay ay hindi maaalaala, o mapapasa isip man.

¹⁸ Nguni't kayo'y mangatuwa at mangagalak magpakailan man sa aking nilikha; sapagka't, narito, aking ^(B)nililikha na kagalakan ang Jerusalem, at kaligayahan ang kaniyang bayan.

^19 (C)At ako'y magagalak sa Jerusalem, at maliligaya sa aking bayan; at ^(D)ang tinig ng iyak ay hindi na maririnig pa sa kaniya, o ang tinig man ng daing.