Isaias 63:10-12

Magandang Balita Biblia (with Deuterocanon)

¹⁰ Ngunit sa kabila nito, sila'y naghimagsik
    at pinighati nila ang kanyang banal na Espiritu;
dahil doon naging kaaway nila si Yahweh.
¹¹ Pagkatapos, naalala nila ang panahon ni Moises,
    ang lingkod ni Yahweh.
Ang tanong nila, “Nasaan na si Yahweh, na nagligtas sa mga pinuno ng kanyang bayan nang sila'y tumawid sa Dagat ng mga Tambo?
Nasaan na si Yahweh, na nagbigay ng kanyang banal na Espiritu kay Moises?
¹² Sa^(A) pangalan ni Yahweh, hinawi ni Moises ang tubig ng dagat,
    kaya ang Israel doon ay naligtas.
At siya ay natanyag sa lahat para sa kanyang sarili.”