Isaias 60:19-21

Ang Biblia, 2001

¹⁹ Ang^(A) araw ay hindi na magiging
    iyong liwanag kapag araw;
o ang buwan man
    ay magbibigay sa iyo ng liwanag.
Kundi ang Panginoon ang magiging iyong walang hanggang liwanag,
    at ang iyong Diyos ay iyong kaluwalhatian.
²⁰ Ang iyong araw ay hindi na lulubog,
    o ang iyo mang buwan ay lulubog;
sapagkat ang Panginoon ay magiging iyong walang hanggang liwanag,
    at ang mga araw ng iyong pagtangis ay matatapos.
²¹ Magiging matuwid na lahat ang iyong bayan,
    kanilang aangkinin ang lupain magpakailanman,
ang sanga ng aking pananim, ang gawa ng aking mga kamay,
    upang ako'y luwalhatiin.