Isaias 60:19-21

Ang Biblia (1978)

¹⁹ Ang araw ay ^(A)hindi na magiging iyong liwanag sa araw; o ang buwan man ay magbibigay sa iyo ng liwanag: kundi ang Panginoon ay magiging sa iyo ay walang hanggang ^(B)liwanag, at ang iyong Dios ay iyong kaluwalhatian.

²⁰ Ang iyong araw ay ^(C)hindi na lulubog, o ang iyo mang buwan ay lulubog; sapagka't ang Panginoon ay magiging iyong walang hanggang liwanag, at ang mga kaarawan ng iyong pagtangis ay matatapos.

²¹ Ang iyong bayan naman ay magiging matuwid na ^(D)lahat; sila'y mangagmamana ng lupain magpakailan man, ^(E)ang sanga ng aking pananim, ang ^(F)gawa ng aking mga kamay, upang ako'y luwalhatiin.