Isaias 60:17-19

Ang Biblia, 2001

¹⁷ Sa halip na tanso ay magdadala ako ng ginto,
    at sa halip na bakal ay magdadala ako ng pilak,
sa halip na kahoy ay tanso,
    sa halip na mga bato ay bakal.
Ang Kapayapaan ay gagawin kong mga tagapangasiwa mo,
    at ang Katuwiran bilang iyong tagapamahala.
¹⁸ Hindi na maririnig sa iyong lupain ang Karahasan,
    ni ang pagkawasak o pagkagiba sa loob ng iyong mga hangganan;
ang iyong mga pader ay tatawagin mong Kaligtasan,
    at Papuri ang iyong mga pintuan.

¹⁹ Ang^(A) araw ay hindi na magiging
    iyong liwanag kapag araw;
o ang buwan man
    ay magbibigay sa iyo ng liwanag.
Kundi ang Panginoon ang magiging iyong walang hanggang liwanag,
    at ang iyong Diyos ay iyong kaluwalhatian.