Isaias 60:15-17

Ang Biblia (1978)

Ang maluwalhating Sion.

¹⁵ Yamang ikaw ay ^(A)napabayaan at ipinagtanim, na anopa't walang tao na dumadaan sa iyo, gagawin kitang walang hanggang ^(B)karilagan, na kagalakan ng maraming sali't saling lahi.

¹⁶ Ikaw naman ay iinom ng gatas ng mga bansa, at sususo sa ^(C)mga suso ng mga hari; at iyong malalaman na ^(D)akong Panginoon ay Tagapagligtas sa iyo, at Manunubos sa iyo, ^(E)Makapangyarihan ng Jacob.

¹⁷ Kahalili ng tanso ay magdadala ako ng ginto, at kahalili ng bakal ay magdadala ako ng pilak, at kahalili ng kahoy ay tanso, at kahalili ng mga bato ay bakal. Akin namang gagawin na iyong mga pinuno ang kapayapaan, at ang iyong mga maniningil ay katuwiran.