Isaias 59:8-10

Magandang Balita Biblia

⁸ Hindi nila alam ang landas patungo sa kapayapaan,
    wala silang patnubay ng katarungan;
liku-likong landas ang kanilang ginagawa;
    ang nagdaraan doo'y walang kapayapaan.

⁹ Dahil dito, ang katarungan ay malayo sa amin,
    hindi namin alam kung ano ang katuwiran.
Alam na namin ngayon kung bakit hindi kami iniligtas ng Diyos, sa mga nagpahirap sa amin.
Umasa kaming liwanag ay darating, ngunit kadiliman ang aming kinasadlakan.
¹⁰ Tulad nami'y bulag na nangangapa sa paglakad,
    nadarapa kami tulad ng mga walang paningin.
Sa katanghaliang-tapat, kami'y natatalisod na para bang gabi na,
    parang kami'y nasa dilim tulad ng mga patay.