Isaias 59:11-13

Magandang Balita Biblia (with Deuterocanon)

¹¹ Umuungal tayong lahat na gaya ng mga oso;
    dumaraing tayo at nagdadalamhati tulad ng mga kalapati.
Ang hinihintay nating katarungan ay hindi dumarating.
    Nais nating maligtas sa kaapihan at kahirapan ngunit ang kaligtasan ay malayo.
¹² Yahweh, maraming beses kaming naghimagsik laban sa iyo;
    inuusig kami ng aming mga kasalanan.
Alam naming kami'y naging makasalanan.
    Nalalaman namin ang aming mga pagkakasala.
¹³ Naghimagsik kami sa iyo, O Yahweh, at itinakwil ka namin
    at hindi na sumunod sa iyo.
Ang sinasabi namin ay pawang pang-aapi at pagtataksil;
    ang inuusal ng aming mga bibig ay mga kasinungalingan, na katha ng aming mga isip.