Isaias 57:18-20

Ang Biblia, 2001

¹⁸ Aking nakita ang kanyang mga lakad, ngunit pagagalingin ko siya;
    aking papatnubayan siya, at panunumbalikin ko sa kanya ang kaaliwan,
    at sa mga nananangis sa kanya.
¹⁹ Aking^(A) nilikha ang bunga ng mga labi.
    Kapayapaan, kapayapaan, sa kanya na malayo at sa kanya na malapit, sabi ng Panginoon;
    at aking pagagalingin siya.
²⁰ Ngunit ang masama ay parang maunos na dagat;
    sapagkat hindi matatahimik,
    at ang kanyang tubig ay naglalabas ng burak at dumi.