Isaias 57:10-12

Ang Biblia (1978)

¹⁰ Ikaw ay napagod sa kahabaan ng iyong lakad; gayon ma'y hindi mo sinabi, ^(A)Walang kabuluhan: ikaw ay nakasumpong ng kabuhayan ng iyong lakas; kaya't hindi ka nanglupaypay.

Ang pagpapakababa at pagtitiis ng Panginoon.

¹¹ At ^(B)kanino ka nangilabot at natakot, ^(C)na ikaw ay nagsisinungaling, at hindi mo ako inalaala, o dinamdam mo man? ^(D)hindi baga ako tumahimik na malaong panahon, at hindi mo ako kinatatakutan.

¹² Aking ipahahayag ang iyong katuwiran; at tungkol sa iyong mga gawa, ang mga yaong hindi makikinabang sa iyo.