Isaias 56
Magandang Balita Biblia
Ang Lahat ng Bansa ay Mapapasama sa Bayan ng Diyos
56 Ang sabi ni Yahweh sa kanyang bayan:
“Panatilihin ang katarungan at gawin ang tama,
sapagkat ang pagliligtas ko'y hindi na magtatagal,
at ang aking tagumpay ay mahahayag na.
2 Mapalad ang taong nagsasagawa nito,
siya na tumatalima sa tuntuning ito.
Iginagalang niya ang Araw ng Pamamahinga,
at lumalayo sa gawang masama.”
3 Hindi dapat sabihin ng isang dayuhang nakipagkaisa sa bayan ng Diyos,
na siya'y hindi papayagan ni Yahweh na makisama sa pagsamba ng kanyang bayan.
Hindi dapat isipin ng mga eunuko na hindi sila karapat-dapat na mapabilang sa bayan ng Diyos
sapagkat hindi sila magkakaanak.
4 Ang(A) sabi ni Yahweh:
“Sa mga eunukong gumagalang sa Araw ng Pamamahinga,
na gumagawa ng mga bagay na nakalulugod sa akin
at tapat na iniingatan ang aking kasunduan.
5 Ang pangalan mo'y aalalahanin sa aking Templo at sa gitna ng aking bayan
nang mas matagal kaysa paggunita sa iyo,
kung ikaw ay nagkaroon ng mga anak.
Hindi ka malilimot kahit kailan.”
6 Ito naman ang sabi ni Yahweh sa mga dating dayuhan na ngayo'y kabilang sa kanyang bayan,
buong pusong naglilingkod sa kanya,
iginagalang ang Araw ng Pamamahinga,
at matapat na nag-iingat sa kanyang tipan:
7 “Dadalhin(B) ko kayo sa banal na bundok.
Ipadarama ko sa inyo ang kagalakan sa aking Templo.
Malulugod ako sa inyong mga handog;
at ang aking tahanan ay tatawaging bahay-dalanginan ng lahat ng bansa.”
8 Ipinangako pa ng Panginoong Yahweh,
sa mga Israelitang ibinalik niya mula sa pagkatapon,
na marami pa siyang isasama sa kanila
para mapabilang sa kanyang bayan.
Hinatulan ang mga Pinuno ng Israel
9 Tinawag ni Yahweh ang ibang mga bansa upang salakayin at wasakin ang kanyang bayan,
tulad ng pagsalakay ng mababangis na hayop mula sa kagubatan.
10 Ang sabi niya, “Bulag ang mga pinuno na dapat magpaalala sa mga tao.
Wala silang nalalaman.
Para silang mga asong hindi marunong tumahol.
Ang alam lang nila'y magyabang at mangarap.
Ang ibig ay laging matulog.
11 Para silang asong gutom,
walang kabusugan;
sila'y mga pastol na walang pang-unawa.
Ginagawa nila ang anumang magustuhan
at walang iniisip kundi sariling kapakanan.
12 Ang sabi nila, “Halikayo, at kumuha kayo ng alak,
uminom tayo hanggang mayroon.
Mag-iinuman muli tayo bukas
nang mas marami kaysa ngayon!”
Isaias 56
Ang Dating Biblia (1905)
56 Ganito ang sabi ng Panginoon, Kayo'y mangagingat ng kahatulan, at magsigawa ng katuwiran; sapagka't ang aking pagliligtas ay malapit nang darating, at ang aking katuwiran ay mahahayag.
2 Mapalad ang taong gumagawa nito, at ang anak ng tao na nanghahawak dito; na nangingilin ng sabbath upang huwag lapastanganin, at nagiingat ng kaniyang kamay sa paggawa ng anomang kasamaan.
3 At huwag ding magsalita ang taga ibang lupa, na nalakip sa Panginoon, na magsasabi, Tunay na ihihiwalay ako ng Panginoon sa kaniyang bayan; at huwag ding magsabi ang bating, Narito, ako'y punong kahoy na tuyo.
4 Sapagka't ganito ang sabi ng Panginoon tungkol sa mga bating na nangingilin ng aking mga sabbath, at pumipili ng mga bagay na nakalulugod sa akin, at nagiingat ng aking tipan:
5 Sila'y bibigyan ko sa aking bahay at sa loob ng aking mga kuta, ng alaala at pangalan na maigi kay sa mga anak na lalake at babae; aking bibigyan sila ng walang hanggang pangalan, na hindi mapaparam.
6 Gayon din ang mga taga ibang lupa, na nakikilakip sa Panginoon, upang magsipangasiwa sa kaniya, at magsiibig sa pangalan ng Panginoon, upang magsipangasiwa sa kaniya, at magsiibig sa pangalan ng Panginoon, upang maging kaniyang mga lingkod, bawa't nangingilin ng sabbath upang huwag lapastangin, at nagiingat ng aking tipan;
7 Sila ay dadalhin ko sa aking banal na bundok, at papagkakatuwain ko sila sa aking bahay na dalanginan: ang kanilang mga handog na susunugin at ang kanilang mga hain ay tatanggapin sa aking dambana; sapagka't ang aking bahay ay tatawaging bahay na panalanginan para sa lahat ng mga bayan.
8 Ang Panginoong Dios na pumipisan ng mga itinapon sa Israel ay nagsasabi, Magpipisan pa ako ng mga iba sa kaniya, bukod sa kaniyang sarili na nangapisan.
9 Kayong lahat na mga hayop sa parang, kayo'y magsiparitong lumamon, oo, kayong lahat na mga hayop sa gubat.
10 Ang kaniyang mga bantay ay mga bulag, silang lahat ay walang kaalaman; silang lahat ay mga piping aso, sila'y hindi makatahol; mapanaginipin, mapaghiga, maibigin sa pagidlip.
11 Oo, ang mga aso ay matatakaw, sila'y kailan man ay walang kabusugan; at ang mga ito ay mga pastor na hindi nangakakaunawa: sila'y nagsilikong lahat sa kanilang sariling daan na mula sa lahat ng dako, bawa't isa'y sa kaniyang pakinabang.
12 Kayo'y magsiparito, sabi nila, ako'y magdadala ng alak, at magpatid-uhaw tayo sa matapang na inumin; at bukas ay magiging gaya ng araw na ito, dakilang araw, na walang kapantay.
Isaiah 56
English Standard Version
Salvation for Foreigners
56 Thus says the Lord:
“Keep justice, and do righteousness,
(A)for soon my salvation will come,
and my righteousness be revealed.
2 Blessed is the man who does this,
and the son of man who holds it fast,
(B)who keeps the Sabbath, not profaning it,
and keeps his hand from doing any evil.”
3 Let not (C)the foreigner who has joined himself to the Lord say,
“The Lord will surely separate me from his people”;
and let not the eunuch say,
“Behold, I am (D)a dry tree.”
4 For thus says the Lord:
“To the eunuchs (E)who keep my Sabbaths,
who choose the things that please me
and hold fast my covenant,
5 (F)I will give in my house and within my walls
a (G)monument and a name
better than sons and daughters;
(H)I will give them an everlasting name
that shall not be cut off.
6 “And (I)the foreigners who join themselves to the Lord,
to minister to him, to love the name of the Lord,
and to be his servants,
everyone (J)who keeps the Sabbath and does not profane it,
and holds fast my covenant—
7 (K)these I will bring to (L)my holy mountain,
and make them joyful in my house of prayer;
(M)their burnt offerings and their sacrifices
will be accepted on my altar;
for (N)my house shall be called a house of prayer
for all peoples.”
8 The Lord God,
(O)who gathers the outcasts of Israel, declares,
(P)“I will gather yet others to him
besides those already gathered.”
Israel's Irresponsible Leaders
9 (Q)All you beasts of the field, come to devour—
all you beasts in the forest.
10 (R)His watchmen are blind;
they are all without knowledge;
they are all silent (S)dogs;
they cannot bark,
dreaming, lying down,
loving to slumber.
11 (T)The dogs have a mighty appetite;
they never have enough.
But (U)they are shepherds who have no understanding;
they have all turned to their own way,
(V)each to his own gain, one and all.
12 (W)“Come,” they say, “let me get wine;
let us fill ourselves with strong drink;
(X)and tomorrow will be like this day,
great beyond measure.”
Magandang Balita Biblia, Copyright © Philippine Bible Society 2012.
The ESV® Bible (The Holy Bible, English Standard Version®), © 2001 by Crossway, a publishing ministry of Good News Publishers. ESV Text Edition: 2025.
