Isaias 53:10-12

Ang Biblia (1978)

¹⁰ Gayon ma'y kinalugdan ng Panginoon na mabugbog siya; inilagay niya siya sa pagdaramdam: pagka iyong gagawin ang kaniyang kaluluwa na pinakahandog dahil sa kasalanan, ^(A)makikita niya ang kaniyang lahi, ^(B)pahahabain niya ang kaniyang mga kaarawan, at ang pagkalugod ng Panginoon ay lalago sa kaniyang kamay.

¹¹ Siya'y makakakita ng pagdaramdam ng kaniyang kaluluwa at masisiyahan: ^(C)sa pamamagitan ng kaniyang kaalaman ay aariing ganap ng ^(D)aking matuwid na lingkod ang marami; at ^(E)dadalhin niya ang kanilang mga kasamaan.

^12 (F)Kaya't hahatian ko siya ng bahagi na kasama ng dakila, at kaniyang ^(G)hahatiin ang samsam na kasama ng malakas; sapagka't kaniyang idinulot ang kaniyang kaluluwa sa kamatayan, at ^(H)ibinilang na kasama ng mga mananalangsang: gayon ma'y dinala niya ang kasalanan ng marami, at ^(I)namagitan sa mga mananalangsang.